حوار من احد المتابعين مع والد ابو تريكه
مواقف ساعد فى بناء شخصيتى ( لا تتخلى عن دورك وعملك وتواضعك مهما رزقت من المال والشهرة )
ذات يوما كنت اعمل بائعا للجرائد ( او موزع لجريدة الوسيط للاعلانات )
وكنت مكلف بمنطقة فى الزمالك تحت كوبرى ابو الفدا
وطبعا كنت بطلع عمارة عمارة واضع الجريدة قصاد كل شقة ... ولو فيلا يبى لازم اسلمها للبواب او المسؤول عن الامن
وفى يوم دخلت فيلا هادية وطيبة جدا .... المهم لقيت راجل طيب مسن ويعمل جنينى ( مسؤول عن حديقة الفيلا )
وبعد ان اعطيته الجريدة قعدت ابصله اوى فابتسملى وقاللى :- اية انت بتشبه على ؟؟؟
قولتله بصراحة اه ..... قاللى اقعد اقعد تشرب شاى ؟؟؟؟
بصراحة كنت مكسر ومهدود حيلى قولتله قشطة اشرب ياعم الحاج
قعدت معاه شوية وبعدين قولتله متعرفناش ياحاج !!! .... فقاللى انا جنينى الفيلا دى واسمى محمد محمد ابو تريكة
قولتله محمد محمد ابو تريكة !!!!!!! ايوة يعنى انا كنت صح بقى لما شبهت عليك
فضحك وقاللى اه كنت صح ..... قولتله وانا موزع الجرايد و مشروع مهندس طبى ( كنت لسة فى المعهد )
قاللى ربنا يوفقك يابشمهندس ..... قولتله بس ممكن اسالك سؤال
قاللى عارفه هو ازاى انت ابو محمد ابو تريكة وسيبك تشتغل جنينى !! صح؟؟
قولتله بتقرأ افكارى ..... جاوب بقى
قاللى يابنى انا بشتغل جنينى قبل ما محمد يبقى لاعب كورة ...... ومش معنى ان ابنى ربنا اغناه يبقى اتنازل عن وظيفتى اللى بحبها ( يتنازل عن دوره يعنى ) وبعدين لو سالت ابوك هيقولك الناس اللى زينا شغلهم هوحياتهم
وهو ليه شغله وانا لى شغلى والحمد لله ابنى فاهم كدة ومش معيبه ( من الاخر بيحمد ربنا ان ابنه محمد ابو تريكة وبيرفع ايده للسماء ويدعيله ) ربنا يزيده تواضع ويرفع قدره
قولتله ربنا يباركلك ويباركلك فيه ....... بجد حضرتك علمتنى حاجة ..... دعواتك لى
القيت عليه السلام وتركته مبتسما
تعليقات